Plantun de Prouvènço

Pèr coumpara dos planto d'encò nostre

Eryngium spinalba & Euphorbia stricta

Eryngium spinalba

Apiaceae Umbelliferae

Noms en français : Panicaut épine-blanche, Chardon blanc.

Descripcioun :
Planto proun espinouso que sèmblo un cardoun (Asteraceae), mai èi bèn uno Apiaceae. Li flour soun groupado en grosso tèsto sarrado e touto la planto èi coulour d'argènt ço que n'en fai uno meraviho. La fau pas acampa que s'atrobo pas d'en pertout e de tout biais èi proutegido (e un cop seco èi pu gaire poulido).

Usanço :
La racino sarié vertuouso contro la fèbre e ajudarié à pissa.

Port : Erbo
Taio : 20 à 40 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Eryngium
Famiho : Apiaceae
Famiho classico : Umbelliferae

Ordre : Apiales

Coulour de la flour : Blanco
Petalo : 5
Ø (o loungour) enflourejado : 2 à 5 cm
Flourido : Estiéu

Sòu : Ca
Autour basso e auto : 1200 à 2200 m
Aparado : Vo
Juliet à avoust

Liò : Tepiero seco - Roucaio
Estànci : Mountagnard à Subaupen
Couroulougi : Ouroufito-Sud-Ouèst-Aupenco
Ref. sc. : Eryngium spinalba Vill., 1779

Lachusclo(-redo)

Euphorbia stricta

Euphorbiaceae

Nom en français : Euphorbe raide.

Descripcioun :
La lachusclo-redo es uno planto de l'an di proun raro au nostre que trachis pulèu dins lou cèntre de l'Éuropo. Ei primo, quàsi sènso péu emé de fueio qu'embrasson la cambo, mai pas gaire. Li brout (oumbello) an de 3 à 4(5) rai. Coumpara emé la lachusclo-di-fueio-plato o la lachusclo-berrugouso que ié sèmblon proun.

Usanço :
Coume tóuti lis meno d'Euphorbia, la lachusclo-redo es uno planto empouisounanto. Lou la que s'escoulo à la coupo èi di proun irritant pèr la pèu, lis iue e la bouco.